Ümummilli lider Heydər Əliyevin 90 illik yubileyi münasibəti ilə keçirilən futbol üzrə rayon kubokunu “Dinamo” komandası qazandı
Aprelin 25-dən etibarən Ümummilli lider Heydər Əliyevin anadan olmasının 90 illik yubileyi münasibəti ilə keçirilən futbol üzrə rayon kuboku yarışlarına yekun vurulmuşdur. Rayon İcra Hakimiyyətinin başçısı cənab Arif Qasımov final oyununu izləmək üçün Siyəzən şəhər stadionuna gəlmişdir.
Rayon Gənclər və İdarəsi və Yeni Azərbaycan Partiyası Siyəzən rayon təşkilatı ilə birgə təşkil olunan yarışda I yer uğrunda 8 komanda iki yarımqrupda mübarizə aparırdı. Komandalar arasında ümumilikdə 15 oyun keçirilib. Rayonda yarışa böyük maraq olmuş, bütün oyunlar futbol azarkeşləri tərəfindən maraqla izlənilmişdir. Ulu öndərin doğum günündə baş tutan final görüşündə Siyəzən şəhərinin “Dinamo” komandası “Sədan” komandası üzərində 3:1 hesabı ilə qələbə qazanaraq kubokun qalibi oldu. Sonda hər iki yeri qazanmış komanda kubok, medal və fəxri fərmanlarla mükafatlandırıldılar.
