Ümummilli lider Heydər Əliyevin 90 illik qubileyi qeyd olunmuşdur.

10 may 2013-cü  il  tarixdə  Siyəzən şəhər 6 saylı tam orta məktəbdə  Ümummilli lider Heydər Əliyevin 90 illik yubileyi ilə əlaqədar  tədbir keçirilmişdir. Tədbirdə  Siyəzən  Rayon İcra Hakimiyyətin başçısı  cənab Arif  Qasımov  iştirak etmişdir.

İştirakçılar əvvəlcə  məktəbin foyesində Ulu öndərin yubileyinə  və gül bayramına həsr olunmuş stendlər, istedadlı şagirdlərin  rəsm işləri, binanın üçüncü mərtəbəsində yaradılmış  “Heydər Əliyev kabineti”  ilə tanış olmuşlar. Tədbirdə çıxış edən Rayon İcra Hakimiyyətinin başçısı cənab Arif Qasımov müstəqil Azərbaycanın qurucusu Heydər Əliyevin   həyat və fəaliyyətindən,  Azərbaycan xalqı qarşısında misilsiz xidmətlərindən danışmışdır. Qeyd edilmişdir ki, zaman ötdükcə biz Heydər Əliyev dühasının əzəmətini, onun şəxsiyyətinin böyüklüyünü daha aydın dərk edirik. Əslində hər bir ölkə vətəndaşı onu bizim ahətəmizdə hiss edir. Çünki ulu öndərin layiqli davamçısı, ölkə Prezidenti cənab  İlham Əliyev  Heydər Əliyevin şah əsəri olan müstəqil Azərbaycanı  məhz onun miras qoyduğu dövlətçilik prinsipləri ilə idarə edir. Bu misilsiz şəxsiyyətin xalqımız üçün gördüyü işlərin möhtəşəmliyini, tarixi dəyər və miqyaslarını  əhatə etmək olduqca çətindir.

Daha sonrara  məktəbin tarix müəllimi  Yalçın Abdullayev  “Heydər Əliyev və təhsil” mövzusunda  geniş məruzə ilə çıxış etmişdir. Xüsusi olaraq vurğulanmışdır ki, Azərbaycan  tarixində əbədi və ən yüksək yer tutan Ulu öndərimizin bənzərsiz tarixi şəxsiyyət kimi dövlətçiliyimizin təşəkkülündə və inkişafında müstəsna rolu olmuşdır.

Şagirdlər ümummilli lider Heydər Əliyevə həsr olunmuş şeirlərlə, ifa etdikləri musiqi , rəqs nömrələri ilə tədbiri daha da maraqlı və yaddaqalan etmişdir.