“Kəndlərdə idmanı inkişaf etdirək” layihəsi çərçivəsində növbəti tədbir Siyəzəndə keçirilib

28 avqust 2020 | 16:00

AFFA-nın və Siyəzən Rayon İcra Hakimiyyətinin birgə təşkilatçılığı ilə “Kəndlərdə idmanı inkişaf etdirək” layihəsi üzrə növbəti tədbir keçirilib. Tədbir Siyəzən şəhəri və Zarat kəndində təşkil edilib.

Bu layihə Prezident İlham Əliyevin 2019-cu il dekabrın 29-da Azərbaycan Milli Olimpiya Komitəsində idmançılarla görüşü zamanı kəndlərdə idmanın inkişafına dair verdiyi tövsiyələrin yerinə yetirilməsi istiqamətində atılmış addımdır. Layihə çərçivəsində Siyəzən şəhəri və Zarat kəndində 50 məktəbli uşağa futbola marağın artırılması məqsədilə idman geyimləri və futbol topları verilib.

Tədbirdə Rayon İcra Hakimiyyətinin başçısı cənab Novruz Novruzov, AFFA-nın vitse-prezidenti, Azərbaycan Uşaq və Gənclər Futbol Federasiyasının prezidenti, Milli Məclisin deputatı Rauf Əliyev və 54 saylı Şabran-Siyəzən DSK-dan seçilmiş Milli Məclisin deputatı Sadiq Qurbanov iştirak ediblər.

Keçidlər